................
في جـدهـ
ٍ .. دخل البيت معصب وقهر الدنيا كله متجمع فيه بهاللحظه .. شاف اخته فرح لابسه عبايتها وتستعد للخروج .. فهد بدون نفس : فين رايحه ؟ فرح طالعت فيه بقهر : بروح مشوار صغير وراجعه .. فهد حس انه وراها شي بس خلاها على راحتها ماله خلق يتكلم حتى : الله معاكي ..
طلعت فرح وقلبها يخبط ويرقع خلاص هذي اخر مره بتحاول فيها مع عمها وعياله لازم تقنعهم باي شي ولو على حساب كرامتها هذا فايز الي بيروح فايز روح هالبيت .. وصلت لبيت عمها وبعد تردد قررت انها تدخل والي فيها فيها .. دقت الباب وفتحتلها الخادمه
.. الخادمه : هااي مس فرح .. فرح : فين عمي ابو سالم ؟ الخادمه : ابويا مافيه موجود فيه بابا سامي فوق .. فرح دخلت تجر رجولها جر طلعت لفوق بدون ماتستأذن احد .. واول ماكان بوجهها الصاله وسامي حاط يده على خده يتفرج عالتلفزيون بملل .
. فرح بتردد : سـ..ـامي .. سامي لمن سمع صوتها وجهه حمر وقلب مية لون لف عليها وقال باستحقار : مين سمحلك تدخلي.. فرح نزلت دموعها: ساامي والي يعافيك خلاص صفي النيه بليز ياسامي اتنازل والله مستعده اسويلك أي شي بندفع الي قدامنا والي ورانا بس رجعولنا فااايز .. سامي : ههههههه روح اخويا ماتنشرى بفلوس الدنيا .. فرح : سااااامي هادا ولد عمك من لحمك ودمك ماتفتكر ايام الطفوله عشتوا سوى اكلتوا سوى لعبتوا سوى درستوا واتخرجتوا سوى كيف تهون عليك العشرررررره كيف؟؟ سامي وقف وطالع في عيونها بحقد : اقول اقضبي الباب ولا عاد اشوف وجهك لا انتي ولا اخوانك البيت هذا حرام عليكم تدخلووه هذا بيت ناس اشراف مو ..(( قال باستهزاء )) مو مجرمين وسفاحين .. فرح صرخت باعلى صوتها : فااايز مو مجرم .. يعني تحاول تقنع نفسك بشي مستحيل أي واحد يعرف فايز يقتنع فيه انتا متاكد وعارف انو قلب فايز اطهر قلب انخلق على هالارض ومتاكد كمان انو لمن صار الي صار فايز ماكان بعقله .
. سامي : طبعا كان سكراان يطفح في السم الهاري من التربيه الشريفه يابنت عمي .. فرح قربت من سامي ومسكت قبة ثوبه وصارت تهز فيه بقوه : لا تقول كدا ياسامي اخويا متربي واحسن تربيه كيف تقول على ولد عمك واخوك كدا كيف يطاوعك قلبك تشوف ولد عمك ينذبح وانتا تضحك حرام عليك ياسامي ارحمني والله من بعده اموووت والله من بعده الدنيا مافيها الوان مالها طعم انا حياتي في اخويا فايز الله يخليك ياسامي لا تذبحه لا تذبحه (( سابت ثوبه وصرخت بقوه )) افهمنننننننننننننننني ماقدر اعيش بدون فااااااااايز .. مسكت راسها بين يدينها وصارت تبكي بحرقه : الي تبغوه بنسويلكم هوا لو تبغوا حياتي خذووها بس خلوا فايز اذبحووني انا خذوا ثاركم مني بس فايز لا تمسوووه .
. سامي بكل قسوه : اسمعي يابنت الناس فايز بتودعيه بعد بكرا مافيه شي اسمو فايز بعد اليوم خلاص انسي انو امك بيوم جابت انسان مادري حيوان اسمه فاااايز ماهميتيني تموتي تنحرقي اهم شي ارد لاخويا حقو.. ...............
.:فرح ايش تسوي هنا .؟؟؟ فرح لمن سمعت هالصوت لفت عليه بسرعه وراحت تجري لعنده وتحضنه وتبوس راسه : عمييييييي ياعزوتي وياسندي ياكل هلي عمي الله يخليك خلاااص ارحمنا حرااام عليكم من بعد ابويا الله يرحمو مالنا ظهر غير فايز ترضى على اولاد اخوك يتمرمطوا والدنيا تلعب فيهم ترضى علينا ياعمي ترضىىىىىىى ..
ابو سالم نزل راسه بحزن وقال بغصه : اسف يابنتي ااااااااسف .. فرح : اسف على ايش ياعمي لا تتاسف كل شي بيدك دحين تقدر بكلمه منك ومن (( طالعت في سامي بترجي )) ومن سامي ترجعوولنا حياتنا الي بتضيع انا ماليا في هالدنيا غير فايز هوا اغلى غلااااااااي الله يوفقك ياعمي ارحمناااااااا ربي يرحمك .. سامي بجديه وبنبرة غضب : هالبيت حرام عليكي تدخليه مره ثانيه اطلعي خلاص يكفي الي صار لا تزيدي النار حطب ..
فرح تصرخ بصوت يقطع القلب: أي نار واي حطب هادا احنا اولاد عمك اخوانك من لحمك ودمك تسوي فينا كدا الغريب ايش تسوي فيه (( نزلت لرجل عمها تبوسها وتبكي )) عمي الله يخليك ياعمي انا في عرضك بس لا تذبحوا فايز ابوس رجوولك ياعمي اسوي الي تبغااه بس فاايز لا يصير فيه شي ..
ابو سالم رفعها من عند رجله ويتحاشى يطالع في عيونها : ارجعي لبيتك يافرح امك محتاجتلك دحين .
. سامي : ههههههه هذا مستواكم ياعيال أميره رجولنا تبوسوها واحنا ندعس عليكم .. ابو سالم انصدم من كلام ابنه صرخ فيه : سااااااااااااامي احترم نفسك مهما كان هذا اخوي وهذولا عياله..
فرح طالعت في سامي بحقد خلاص ابليس ركبها اعلنت الحرب عليهم.. تفلت عالارض جنب سامي : خسارة اسمي الي مرتبط باسمك يـا.... ياولد عمي .. اخذت شنطتها وطلعت تجري من البيت كرهت عمها وعيال عمها وكل شي يرتبط فيهم طلعت وهيا حالفه في نفسها لو مات فايز لا تخلي حياة بنات عمها جحيم بتحرق كل شي حلو بحياتهم زي مابيحرقوا قلبها بموت اخوها فايز .. نـرجع للريـآض .. وقفت سياره بي إم سوده قدام باب الفيصليه .. حلا فتحت الباب بتنزل .
. نواف : هييييه هيييه انتظري وين رايحه ..؟ حلا باستغراب : بنزل وش فيك ؟ نواف : لا انتظري بوقف السياره وبنزل معك ..؟ حلا : تنزل معي ؟؟؟؟ نواف : ايه ليش مستغربه ؟ حلا : لا عادي .. نزلوا ودخلوا للسوق .. نواف : هاا وش تقول .. حلا بارتباك : خلاص تقول الحين هي بتجينا .. حلا تستنى جود وقلبها يدق بقووه ماتدري ليه بس شي اكيد وحده ماعمرها شافتها ومتعرفه عليها من شات وماتعرف ايش اخلاقها ولا كيف تربيتها .. وشويه توقف قدامهم بنت في قمة الجمال ملاااااااك بمعنى الكلمه كل مافي وجهها صغير وناعم ومبين عليها صغنووونه لسه مادخلت للعشرين .. نواف فتح فمو وهوا يطالعها .. حلا مو عارفه هيا هذي ولا لاء لانها ماقد شافتها .. نواف انحرج ورجع شويه على ورى يشوفهم من بعيد .. جود : انتي حلا ؟؟ حلا ابتسمت من تحت الغطاء : ايه كيفك ؟ جود : تمااام بس ... وش فيك متغطيه كذا هههههه .. حلا : ههههه هذا اخوي الا بيجي معي فلازم اتغطى واسكته .. جود تطالع في نواف باعجاب : هذا اخووك ياويلي وش زينه يانااااس .. حلا : ههههههههه جود : طيب والحين بيجلس معنا ولا بيروح .. حلا : لا بيروح بس يتطمن علي هههههه جود : طيب روحي كلميه عشان نروح نتمشى .. حلا راحت لنواف : هااا نواف بتجلس ولا بتمشي .. نواف : هذي صديقتك ؟ حلا : ايه نواف : وش اسمها ؟
حلا : هههههههه جود ليش تسأل ؟ نواف يطالع في جود من فوق لتحت : لااااا بس مو كأنها فالتها شوي نص شعرها طالع وعبايتها كأنها مفصله عليها .
. حلا : ماعليك هي كذا بس اخلاقها وتربيتها تعجبك (( قالت كذا عشان تسكته ولا هيا ماتعرف شي عن جود ))
.. نواف : طيب خلاص متى تبيني اجيك ؟ حلا : اممم بعد العشاء .. نواف : خلاص اوكي اذا خلصتي دقي علي .. حلا : طيب نواف : انتبهي على نفسك .. حلا : اوكي باي .
. نواف : الله يحفظك .. وراحت مع جود يتمشوا ويتعرفوا على بعض اكثر .. طلعوا لإكسيوم تلكوم عشان جود بتشوفلها جوال جديد ..
