تقول ياعمي وانااموت فيها
صغّيره لكن لها عنق والعين
جذابت(ن) نهابت (ن) ياعليها
جمال قتال (ن) يحير ملايين
قلت العفويالريم عم اتركيها
قولي سعيد او يالسحيمي ونادين
باي اسم يعجبكي وروحي خذيها
هدية (ن) يابنت كنّك تحبين
بس لاتقولي عمْ والله مابيها
ياعين ريماً جافل (ن) حس رامين
قالت وش اللي جاك قلت افهميها
من غير ماوضح بعيني تشوفين
رغبه وحيره نظرتي ترجميها
مشتاق واترقب بنظره تجودين
لحظه بعمري من زمان ارتجيها
لاشك طالت وانت يالريم ناسين
اول حياء ومستحي تعرفيها
ال صغر سنك كاتم همومي سنين
واليوم لازم قصتي تسمعيها
خلاص مااتحمل فراقك سكاكين
تنحر خفوقي ياقمر ترتضيها
اموت وانتي يالغلا ماتعرفين
معشوقتي غيرك ابد ماابيها
انتي ولو حطمت كل القوانين
بقول باعلى صوت طالب يديها
هاتو لنا المأذون وشهودها ثنين
ردي علي ورغبتك وضحيها
ذي قصتي ذا مطلبي وش تقولين
عمي نسيت وسلهمت احتريها
تشد طرف العين وتقول لي شين
عيت ترد وحمّرت وجنتيها
وراحت ومعها القلب منهوب للحين
لاكنيّ بعد اسبوع قررّت اجيها
واعرف نوايا كامل الوصف والزين
لوالسكوت أول علامه نبيها
لاشك مايخلى الأمرمن حسودين
